ہیگلے اوول، کرائسٹ چرچ میں کھیلے گئے میگا ایونٹ کے دوسرے سیمی فائنل میں دفاعی چیمپئن انگلینڈ ویمنز نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 293 رنز بنائے، ڈینیئل وائٹ نے شاندار بیٹنگ کا مظاہرہ کیا اور 129 رنز بنائے، صوفیہ ڈنکلے نے 60 رنز کی دلکش اننگز کھیلی، دیگر بیٹرز میں ایمی جونز 28 اور ایکلیسسٹون 24 رنز کے ساتھ نمایاں رہیں، جنوبی افریقا کی طرف سے شبنم اسماعیل نے 3 جبکہ ماریزان کیپ اور مساباتہ کلاس نے دو، دو کھلاڑیوں کو آئوٹ کیا۔
جنوبی افریقا کی خواتین ٹیم پہاڑ جیسا ہدف حاصل کرنے میں ناکام رہی اور پوری ٹیم 38ویں اوورمیں 156 رنز بنا کر آئوٹ ہو گئی، میگنن ڈو پریز 30 اور لارا گڈال28رنز کے ساتھ ٹاپ سکورر رہیں، کپتان سن لس ،ماریزان کیپ اور ترشا چیٹی نے 21 ، 21 رنز بنائے۔ انگلینڈ کی طرف سے سوفی ایکلسٹن نے 6وکٹیں حاصل کیں، ڈینیئل وائٹ کو میچ کی بہترین کھلاڑی قرار دیا گیا۔