لاہور ہائیکورٹ کے جسٹس محمد شان گل نے احمد مجتبیٰ کی درخواست پر سماعت کی، عدالت نےاینٹی کرپشن کا احمد مجتبیٰ کی طلبی کا نوٹس معطل کرنےکی استدعا رد کردی۔
عدالت نے احمد مجتبیٰ کو انکوائری میں شامل ہونےکا حکم دیتے ہوئے درخواست نمٹادی، عدالت نے اینٹی کرپشن کو انکوائری مکمل ہونے تک تادیبی کارروائی سےبھی روک دیا۔
عدالت نے حکم دیا کہ احمد مجتبیٰ جوائنٹ انویسٹی گیشن ٹیم کے روبرو 13 جولائی کو پیش ہوں، اگر تفتیش کا نتیجہ سائل کےحق میں ہوا تو شکایت نہیں رہےگی، اگر تفتیش کا نتیجہ خلاف ہوا تو قانون اپنا راستہ اختیار کرےگا۔
درخواست گزر احمد مجتبیٰ نے لاہور ہائیکورٹ میں دائر اپنی درخواست میں مؤقف اپنایا تھا کہ اینٹی کرپشن کی 2022کی ایف آئی آر نمبر 14 میں طلب کیا گیاہے، اینٹی کرپشن نے 13 جولائی کیلئے دوسرا نوٹس جاری کیاہے، میں کبھی پبلک آفس ہولڈر نہیں رہا نہ ہی فراڈ میں ملوث رہا ہوں لہٰذا طلبی کا نوٹس معطل کیا جائے