50سال سے زائد عمر کےشہریوں کی مفت ویکسینیشن کیلئے رجسٹریشن شروع

اسلام آباد: ملک میں پچاس سال سے زائد عمر کےافراد کو بھی مفت ویکسین لگائی جائے گی ، شہری 1166 پر اپنا شناختی کارڈ نمبر بھیج کر رجسٹریشن کرواسکیں گے،65 سال سے زیادہ عمر کے افراد  کے لیے واک ان کی سہولت فراہم کر دی گئی ۔

این سی او سی کے سربراہ اسدعمر کی زیر صدارت اجلاس کو بتایا گیا کہ چین سے منگوائی گئی سنگل ڈوز کین سائینو ویکسین کا آغاز 5 اپریل سے ہوگا۔جاری اعلامیے کے مطابق این سی او سی کے شرکا نے کورونا وائرس کی تیسری لہر میں اضافے پر تشویش کا اظہار کیا۔ اجلاس کو بتایا گیا کہ بڑھتے ہوئے کورونا کیسز کے باعث اسپتالوں کو مزید 594 آکسیجن بیڈز فراہم کیے گئے ہیں۔ اضافی آکسیجن بیڈز میں پشاور اور سوات کو ترجیح دی ہے۔اعلامیے کے مطابق 65 سال سے زائد عمر کے افراد کو ویکسینیشن کی واک ان سہولت ہے۔ اجلاس میں ویکسینیشن کا عمل مؤثر بنانے کیلئے ضلعی سطح پر کال سنٹرز کے قیام پر مشاورت مشاورت کی گئی۔

دوسری جانب پی این این کے مطابق صوبے بھر کے ویکسی نیشن سینٹر زمیں ساٹھ سال سے زائد عمر کے افراد کی بڑی تعداد ویکسین لگوانے کے لیے آرہی ہے ۔ ایس او پیز کو مد نظر رکھتے ہوئے شہریوں کیلئے سہولیات کو مزید بڑھا دیا گیا ہے جس پر شہری خوش ہیں ،شہریوں نے کورونا ویکسی نیشن کے حوالے سے کئے گئے انتظامات پر اطمینان کا اظہار کیا ہے۔

اپنا تبصرہ بھیجیں