نیشنل الیکٹرک پاور ریگولیٹری اتھارٹی (نیپرا) نے بجلی کی قیمت64پیسے فی یونٹ اضافے کی منظوری دے دی اور نوٹی فکیشن جاری کردیا۔نوٹیفکیشن میں کہا گیا ہے کہ اضافےکی منظوری ماہانہ فیول چارجز ایڈجسٹمنٹ مدمیں فروری کیلئےدی گئی، بجلی کی قیمت میں اضافے کا اطلاق صرف اپریل کے بلوں پر ہوگا۔نیپرا کا کہنا ہے کہ فیول پرائس ایڈجسٹمنٹ کااطلاق کےالیکٹرک صارفین پر بھی نہیں ہوگا ، سی پی پی اے جی نے 64پیسے فی یونٹ اضافےکی درخواست کی تھی، اتھارٹی نے 30مارچ 2021 کو ایف سی اے پرعوامی سماعت کی تھی۔
واضح رہے کہ 26 مارچ کو صدر مملکت ڈاکٹر عارف علوی نے نیشنل الیکٹرک پاور ریگولیٹری اتھارٹی (نیپرا) ایکٹ میں ترمیمی آرڈیننس جاری کیا جس کے بعد وفاقی حکومت کو اضافی سرچارج اور بجلی مزید مہنگی کرنے کا اختیار مل گیا۔گذشتہ ماہ کے آخر میں نیشنل الیکٹرک پاور ریگولیٹری اتھارٹی (نیپرا) نے بجلی کے فی یونٹ کی قیمت میں 65 پیسے کا اضافہ کیا تھا، بجلی کی قیمتیں بڑھنے کے بعد صارفین پر 4ارب59 کروڑ روپےکا اضافی بوجھ پڑےگا۔