فواد چوہدری کو ایک بار پھر وزیرِ اطلاعات کا قلمدان مل گیا

اسلام آباد: وفاقی وزیر سائنس اینڈ ٹیکنالوجی فواد چوہدری کو ایک بار پھر وزیرِ اطلاعات کا قلمدان سونپ دیا گیا ، تاہم نوٹیفکیشن آج جاری کیے جانےکا امکان ہے۔

تحریک انصاف کے رہنما سینیٹر فیصل جاوید خان نے سماجی رابطے کی ویب سائٹ ٹوئٹر پر جاری بیان میں فواد چوہدری کو دوبارہ وزیر اطلاعات کا قلمدان ملنے پر مبارکباد دی۔فیصل جاوید خان نے اپنے ٹوئٹ میں لکھا کہ ’وفاقی وزیر اطلاعات کی حیثیت سے دوبارہ تقرری پر فواد چوہدری کو بہت مبارک ہو۔’میری تمام دُعائیں اور نیک خواہشات آپ کے ساتھ ہیں۔

دوسری جانب وفاقی وزیر سائنس اینڈ ٹیکنالوجی فواد چوہدری کو وزارتِ اطلاعات ملنے کا نوٹیفکیشن آج متوقع ہے۔اس ضمن میں وزیراعظم عمران خان نے وفاقی وزیر فواد چوہدری سے ملاقات کی جس میں ملکی سیاسی صورتحال پر گفتگو کی گئی۔ذرائع کے مطابق وزیراعظم عمران خان نے فواد چوہدری کو اضافی ذمہ داری دینے سے متعلق آگاہ کیا۔ واضح رہے کہ فواد چوہدری وفاقی وزیر برائے سائنس و ٹیکنالوجی ہیں جبکہ اس سے قبل بھی وہ وزیر اطلاعات رہ چکے ہیں۔

اپنا تبصرہ بھیجیں