ہر بار شہباز شریف کا جرم صرف نواز شریف سے وفاداری نکلا : مریم نواز

لاہور: مسلم لیگ ن کی مرکزی نائب صدر مریم نواز نے کہا ہے کہ جتنی بار بھی شہباز شریف کو گرفتار کیا، ان کا جرم صرف نواز شریف سے وفاداری نکلا ہے۔

سماجی رابطے کی ویب سائٹ ٹوئٹر پر اپنے بیان میں مسلم لیگ نون کی نائب صدر مریم نواز نے کہا کہ 10سال کہیں بھی ناانصافی کا سن کر پہنچ جانے والے کو آخر انصاف مل گیا ہے۔مریم نواز نے کہا کہ شہباز شریف کا مقابلہ کرنا ہے تو خدمت میں کرو۔ن لیگ کی نائب صدر کا کہنا تھا کہ جھوٹے مقدمات کے ذریعے خدمت کے نشان نہیں مٹائے جاسکتے۔

واضح رہے کہ آج لاہور ہائیکورٹ کے فل بینچ نے مسلم لیگ نون کے صدر شہباز شریف کی ضمانت متفقہ طور پر منظور کرلی ہے۔بینچ میں جسٹس علی باقر نجفی،جسٹس عالیہ نیلم اور جسٹس شہباز رضوی شامل تھے۔

اپنا تبصرہ بھیجیں