نیشنل کمانڈ اینڈ آپریشن سینٹر (این سی او سی) کی جانب سے جاری اعدادو شمار کے مطابق ملک میں متاثرہ افراد کی تعداد 8 لاکھ 34 ہزار 146 تک جا پہنچی، ایکٹو کیسزکی تعداد 87 ہزار953 ہو گئی ہے۔ این سی او سی کے مطابق 5 ہزار377 مریضوں کی حالت تشویشناک ہے۔اعدادوشمار کے مطابق پنجاب کورونا سے سب سے زیادہ متاثر صوبہ ہے جہاں مریضوں کی تعداد 3 لاکھ 6 ہزار 929 ہے، سندھ 2 لاکھ 85 ہزار 626، خیبر پختونخوا ایک لاکھ 20 ہزار 64 اور بلوچستان میں کورونا کیسز کی تعداد 22 ہزار 620 ہے۔گذشتہ 24 گھنٹوں کے دوران 5 ہزار 842 مریض کورونا سے صحت یاب ہوئے ہیں جبکہ شفا پانے والون کی مجموعی تعداد 7 لاکھ 28 ہزار 44 تک پہنچ گئی ہے۔
دوسری جانب ترجمان پرائمری اینڈ سیکنڈری ہیلتھ کیئر کے مطابق پنجاب سب سے زیادہ متاثر ہوا جہا ں مزید پچاس شہری ابدی نیند سو گئےجبکہ 1707 افراد وائرس سے متاثر ہوئے۔ گزشتہ چوبیس گھنٹوں کے دوران لاہورمیں 826، ننکانہ 7، قصور 22، شیخوپورہ 26، راولپنڈی 99، اورجہلم میں 3 افراد کورونا کا شکار ہوئے۔۔رپورٹ کے مطابق اٹک میں 6، چکوال 4، مظفرگڑھ 15، حافظ آباد 12 اور گوجرانوالہ 26 میں کیسز رپورٹ ہوئے ۔ رپورٹ کےمطابق گزشتہ چوبیس گھنٹوں کے دوران لاہور میں کورونا کے باعث مزید 16افراد جاں بحق ہوئے۔۔شہر میں اموات کی کل تعداد 3513 ہو چکی ہے۔