ایک نیوز کے مطابق وزیر اعلیٰ پنجاب سردار عثمان بزدار نے نالوں کے اردگرد تجاوزات کو ہٹانے کے احکامات بھی دیئے ہیں ، ساتھ ہی موسم برسات شروع ہونے سے قبل نالوں کی صفائی کر کے رپورٹ وزیراعلیٰ آفس پیش کرنے کی ہدایت کی ۔ سردار عثمان بزدار نے نالوں کی صفائی کے انتظامات کا تھرڈ پارٹی آڈٹ کرانے کا عندیہ بھی دیا، کہا کہ تھرڈ پارٹی آڈٹ کے سرٹیفکیٹس کی موقع پر جا کر چیکنگ کی جائے گی۔
وزیر اعلیٰ پنجاب نے ڈرینوں اور سیور لائنوں کی صفائی کا کام وقت سے پہلے مکمل کرنے کا حکم دیتے ہوئے کہا کہ صرف کاغذی کارروائی نہیں چلے گی ، نالوں کی صفائی کے کام میں تاخیر برداشت نہیں کی جائے گی ۔