پی سی بی حکا م کے مطابق آن لائن اجلاس آج ہوگا جس میں تمام ضروری انتظامات کو حتمی شکل دی جائے گی۔ چیف ایگزیکٹوپی سی بی وسیم خان نے بتایا کہ ابوظہبی میں ایونٹ کےانعقاد کےسلسلے میں حائل تمام رکاوٹیں ختم ہوگئی ہیں۔ہم اب ایونٹ کےانعقاد کیلئےمکمل طور پرتیار ہیں۔ بقیہ میچزابتدائی طور پر یکم جون2021 سے شروع کرنے کا اعلان کیا گیا تھا جو20 جون تک جاری رہنے تھے۔
کرکٹ فینز کے لئے خوشخبری:
پاکستان کرکٹ بورڈ کو ابوظہبی میں ایچ بی ایل پی ایس ایل 6 کے بقیہ 20 میچز کروانے کے لیے تمام معاملات پر منظوری مل گئی ہے۔#HBLPSL6 pic.twitter.com/9K5b8jRBuC
— Pakistan Cricket (@TheRealPCB) May 20, 2021
حکام کا کہنا ہے کہ اب وقت بہت کم ہے اور تیاریاں ابھی باقی ہیں تو تاریخ میں تبدیلی کی جا سکتی ہے۔ آج ہونے والے اجلاس میں لیگ کے بقیہ20 میچز کیلئے شیڈول اور کورونا پروٹوکول کو حتمی شکل دی جائے گی۔
خیال رہے کہ مارچ2021 میں پاکستان سپر لیگ (پی ایس ایل) سیزن6 کو 7 کورونا کیسز کے باعث غیر معینہ مدت کے لیے ملتوی کر دیا گیا تھا۔اب تک ٹورنامنٹ میں 14 میچز کھیلے جا چکے ہیں جس کے بعد اس وقت کراچی کنگز اور پشاور زلمی پانچ پانچ میچ کھیلنے کے بعد 6 پوائنٹس کے ساتھ پہلے اور دوسرے نمبر پر ہے۔اسلام آباد یونائیٹڈ اور لاہور قلندرز کے بھی چار چار میچ کھیلنے کے بعد چھ چھ پوائنٹس ہیں اور ان کی بالترتیب تیسری اور چوتھی پوزیشن ہے۔