اسرائیلی جارحیت پر مشتمل مواد ہٹانے پر فیس بک کی ریٹنگ 2.4 پر آگئی

نیویارک: اسرائیلی مظالم پر مشتمل پوسٹ اور پیجز ہٹانے پر دنیا بھر میں فیس بک کے مسلمان صارفین غصے میں آگئے جس کے بعد موبائل ایپلیکیشن اسٹورز پر فیس بک کی ریٹنگ میں غیر معمولی طور پر کمی واقع ہوگئی ہے۔

تفصیلات کے مطابق غزہ پر اسرائیلی حملے کے بعد فیس بک پر قائم ایک پیج ’یروشلم پریئر ٹیم‘ کو غیر حقیقی لائیکس دیئے گئے، پاکستان سمیت دنیا بھر سے صارفین نے فیس بک انتظامیہ سے احتجاج کیا جس کے بعد یہ پیج بلاک کردیا گیا تھا، ساتھ ہی فلسطینیوں کی حمایت کرنے والے پیجز کو بھی انتظامیہ کی جانب سے بلاک کیا گیا تھا۔

ایک رپورٹ کے مطابق دنیا بھر کے مسلمان فلسطین پر اسرائیلی مظالم کی پوسٹ اور پیجز ہٹانے جبکہ اسرائیل کی حمایت پر فیس بک انتظامیہ سے کافی نالاں ہیں۔

اطلاعات کے مطابق اینڈرائیڈ اور آئی فون صارفین نے فیس ایپلیکیشن اسٹورز پر فیس بک کی ریٹنگ کم کردی ہے، جس کے بعد گوگل پلے اسٹور پر فیس بک کی ریٹنگ 4.5 سے گر کر 2.4 پر آگئی ہے جبکہ ایپ اسٹور پر 2.4 ہوگئی ہے۔موبائل ایپلیکیشن اسٹورز پر صارفین اپنی پسندیدہ ایپس کو اسٹارز کے ذریعے ریٹنگ دیتے ہیں، جو 5 اسٹارز پر مشتمل ہوتی ہے۔

اپنا تبصرہ بھیجیں