مشیر تجارت عبد الرزاق داؤد کورونا وائرس میں مبتلا

اسلام آباد :مشیر تجارت عبد الرزاق داؤد کوروناوائرس کا شکار ہوگئے ،انہوں نے اپنے آپ کو گھر میں قرنطینہ کر لیا ہے۔

تفصیلات کے مطابق عبدالرزاق داؤد کی جانب سے جاری بیان میں بتایا گیا ہے کہ میرا کورونا ٹیسٹ مثبت آیا ہے، مجھے کورونا کی معمولی علامات ہیں اس لیے میں نے اپنے آپ کو گھر میں قرنطینہ کر لیا ہے ، آپ کی دعاؤں کی ضرورت ہے۔

حکام وزارت تجارت کے مطابق مشیر تجارت عبدالرزاق داؤد اپنی کورونا ویکسینیشن مکمل کروا چکے ہیں، وہ گزشتہ روز لاہور میں ایک فرد سے ملے تھے۔ جس شخص سے ان کی ملاقات ہوئی تھی، اس کا دو روز بعد کورونا مثبت ہوا تھا۔

واضح رہے کہ ملک میں کورونا وائرس کی چوتھی لہر کے دوران مزید 89 افراد انتقال کر گئے جبکہ 4ہزار 103کیسز رپورٹ ہوئے ہیں۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک میں اموات کی مجموعی تعداد25ہزار978ہوگئی ہے،جبکہ متاثرہ افراد کی مجموعی تعداد 11لاکھ67ہزار791ہوگئی ہے ۔

اپنا تبصرہ بھیجیں