نیوزی لینڈ کیخلاف میچز کیلئے قومی ٹیم کی نئی ون ڈے کٹ متعارف

نیوزی لینڈ کیخلاف میچز کیلئے قومی ٹیم کی نئی ون ڈے کٹ متعارف
لاہور: پاکستان کرکٹ بورڈ (پی سی بی) نےنیوزی لینڈ کے خلاف میچز کیلئے قومی ٹیم کی نئی ون ڈے کٹ متعارف کروا دی ۔

پی سی بی کی جانب سے جاری ٹوئٹر کے مطابق نئی کٹ میں گہرے اور ہلکے سبز رنگ کا امتزاج ہے۔ شرٹ کی بائیں جانب چاند ستارہ اور دائیں جانب نجی کمپنی کا لوگو ہے۔شرٹ پر کندھوں کے بالکل سفید اور سبز رنگ کی لائنیں ہیں۔



واضح رہے کہ پاکستان اور نیوزی لینڈ کے درمیان پہلا انٹرنیشنل ون ڈے کل راولپنڈی اسٹیڈیم میں کھیلا جائے گا۔پنڈی کرکٹ اسٹیڈیم میں پاکستان کرکٹ ٹیم نے پریکٹس سیشن کیا۔

پاکستان اور نیوزی لینڈ کے دیگر دو میچز 19 اور 21 ستمبر کو کھیلے جائیں گے، میچز کے لیے 25 فیصد شائقین کرکٹ کو بھی اسٹیڈیم میں آنے کی اجازت دی گئی ہے۔

دوسری جانب 18 سال بعد پاکستان آنے والی نیوزی لینڈ کی کرکٹ ٹیم کے خلاف پہلے ون ڈے کے لیے بارہ رکنی قومی ٹیم کا اعلان کر دیا گیا ہے۔

پی سی بی کی جانب سے جاری کیے گئے پیغام کے مطابق پہلے ون ڈے میں بابر اعظم (کپتان)، شاداب خان( نائب کپتان)، فخر زمان، حارث رؤف، حسن علی، افتخار احمد، امام الحق، محمد رضوان، سعود شکیل، شاہین شاہ آفریدی، عثمان قادر اور زاہد محمود شامل ہیں۔

شیئر کریں:

admin