تفصیلات کے مطابق سارہ خان نے انسٹاگرام پر اپنے شوہر فلک شبیر کی ویڈیوز شیئر کی ہیں اور انسٹا سٹوریز کے کیپشن میں بتایا کہ انہوں نے فلک شبیر کو نیند میں ڈیٹ کرتے ہوئے رنگے ہاتھوں پکڑ لیا ہے۔
ویڈیو میں دیکھا جاسکتا ہے کہ فلک شبیر ریسٹورینٹ میں ایک خاتون کی ڈمی کے ساتھ میز پر بیٹھے ہیں جب کہ سارہ خان اچانک وہاں پہنچ جاتی ہیں جس پر فلک شبیر اپنا چہرہ چھپا کر ایسے چلتے ہیں جیسے وہ نیند میں ہوں۔
سارہ اور فلک کی یہ مزاحیہ ویڈیو سوشل میڈیا کے کئی پیجز نے شیئر کی جس سے صارفین خوب محظوظ ہوئے، دونوں کی ویڈیو پر مداح دلچسپ تبصرے بھی کررہے ہیں۔ واضح رہے کہ سارہ خان اور فلک شبیر اِن دنوں چھٹیاں گزارنے ترکی گئے ہوئے ہیں۔